Adzin z budynkaŭ Viciebskaha vakzała znoŭ sprabujuć pradać, choć papiaredniaja sproba nie mieła pośpiechu — pakupnikoŭ nie znajšłosia, piša Blizko.by.
Jašče ŭ listapadzie 2025 hoda budynak vystavili na prodaž pad nazvaj «Administracyjny budynak» pa adrasie: Viciebsk, vulica Kasmanaŭtaŭ, 10H.
Heta trochpaviarchovy abjekt, uźviedzieny ŭ 1960 hodzie i značna pierabudavany z taho času. Ciapier u im raźmiaščajucca, naprykład, kasy rehijanalnych linij i cyrulnia. Ahulnaja płošča składaje kala 2725 kvadratnych mietraŭ, a pradaŭcom vystupaje Viciebskaje adździaleńnie Biełaruskaj čyhunki.
Spačatku heta było tolki vyvučeńnie popytu biez sapraŭdnych tarhoŭ. U śniežni stała viadomaja cana — kala 8,2 miljona rubloŭ. U lutym 2026 hoda abjekt užo vystavili na aŭkcyjon z toj ža sumaj, ale tarhi ŭ sakaviku nie adbylisia, bo nie pastupiła nivodnaj zajaŭki.
Ciapier vakzał znoŭ sprabujuć pradać. Pry hetym cana nie źmianiłasia i zastajecca na tym ža ŭzroŭni — krychu bolš za 8,19 miljona rubloŭ. Z ulikam kroku tarhoŭ i dadatkovych vydatkaŭ minimalnaja suma pakupki składzie kala 8,6 miljona rubloŭ.
Novy aŭkcyjon pryznačany na 30 krasavika.
Ciapier čytajuć
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam7
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ66
Kamientary