U Biełarusi vystavili na prodaž niezvyčajny abjekt — ceły były vajskovy haradok u Krupkach Minskaj vobłaści. Pačatkovaja cana vyhladaje simvaličnaj — usiaho kala 585 rubloŭ (13 bazavych vieličyń). Ale takaja nizkaja suma tłumačycca tym, što razam z abjektam iduć peŭnyja abaviazki dla pakupnika, piša Tochka.by.
U skład łota ŭvachodzić 12 budynkaŭ: štab, KPP, stałovaja, kłub, haražy i navat były špital. Ahulnaja płošča — kala 3,5 tysiačy kvadratnych mietraŭ. Taksama jość inžyniernyja sietki, u tym liku elektrakamunikacyi.
Da abjekta dadajecca i ziamielny ŭčastak płoščaj kala 6,5 tysiačy hiektaraŭ, ale nie va ŭłasnaść, a ŭ arendu na 50 hadoŭ.
Farmalna novy ŭładalnik moža vykarystoŭvać terytoryju pa-roznamu — naprykład, pad składy, navučalnyja abo spartyŭnyja abjekty. Faktyčna heta hatovaja baza, jakuju možna prystasavać pad biznes ci inšyja prajekty.
Adnak jość važnyja ŭmovy. Pakupnik abaviazany pryvieści terytoryju ŭ paradak: na praciahu piaci hadoŭ pravieści rekanstrukcyju abo pry nieabchodnaści źnieści budynki. Akramia taho, vykarystańnie abjekta treba pačać nie paźniej čym praz paŭhoda paśla kupli.
Takim čynam, nizkaja cana — heta chutčej «uvachodny bilet», a asnoŭnyja vydatki źviazanyja z adnaŭleńniem i dalejšym vykarystańniem byłoha haradka.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary