U Kramli zajavili, što premjer Słavakii budzie prysutničać na paradzie 9 maja
U Kramli paćvierdzili, što premjer-ministr Słavakii Robiert Fica płanuje prysutničać na vajskovym paradzie ŭ Maskvie 9 maja. Pra heta paviedamiŭ pamočnik Uładzimira Pucina Juryj Ušakoŭ. Pavodle jaho słoŭ, na mierapryjemstva pryjeduć i inšyja zamiežnyja hości, ale ich imiony jon nie nazvaŭ.
Robiert Fica. Fota: AP Photo / Denes Erdos
Raniej sam Fica zajaŭlaŭ, što źbirajecca naviedać Maskvu 9 maja, kab uskłaści kvietki da mahiły Nieviadomaha sałdata kala Kramloŭskaj ściany. Pry hetym jon śćviardžaŭ, što nibyta nie budzie ŭdzielničać u samim paradzie.
U 2026 hodzie vajskovy parad u Maskvie płanujuć pravieści biez bajavoj techniki. U rasijskich uładach heta tłumačać ciapierašniaj situacyjaj i ŭzmocnienymi mierami biaśpieki.
Pavodle pradstaŭnikoŭ Kramla, farmat śviatkavańnia vyrašyli zrabić bolš ścipłym, kab paźbiehnuć mahčymych incydentaŭ padčas aficyjnych mierapryjemstvaŭ.
Čytajcie taksama:
Fica zajaviŭ pra padryŭ davieru da Ukrainy
Litva nie adkryje pavietranuju prastoru dla palotu Fica ŭ Maskvu na Dzień Pieramohi
Premjer Słavakii pryjedzie na śviatkavańnie 9 Maja ŭ Maskvu
Krainy Bałtyi znoŭ nie puściać Robierta Fica na parad u Maskvu praz svaju terytoryju