Davier pamiž Słavakijaj i Ukrainaj byŭ padarvany, zajaviŭ słavacki premjer Robiert Fica, vykazaŭšy sumnieŭ, što naftapravod «Družba» «ŭvohule budzie adnoŭleny».
«Ja b nie ździviŭsia, kali b kredyt €90 młrd byŭ razbłakavany, i tady pastaŭki nafty znoŭ spyniacca», — skazaŭ jon. Jaho słovy pieradaje Denník N.
Fica padkreśliŭ, što ŭrad uvažliva sočyć za situacyjaj vakoł naftapravoda «Družba».
Pastaŭki rasijskaj nafty pa naftapravodzie «Družba» praz terytoryju Ukrainy spynilisia ŭ studzieni 2026 hoda. Słavakija i Vienhryja raniej zajaŭlali pra ryzyki dla enierhazabieśpiačeńnia i abvinavačvali Kijeŭ u zaciahvańni vyrašeńnia pytańnia.
22 krasavika ŭdzień ahienctva AFP sa spasyłkaj na kijeŭskaha čynoŭnika paviedamiła, što Ukraina pa zapycie vienhierskaj naftahazavaj kampanii MOL adnović pastaŭki pa naftapravodzie na praciahu niekalkich hadzin. Ukrainski apieratar naftapravoda «Družba» AAT «Ukrtransnafta» paviedamiŭ pra hatoŭnaść adnavić tranzit nafty z Rasii ŭ Vienhryju i Słavakiju.
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary