Na biełaruskaha błohiera ź Izraila zaviali kryminałku za abrazu Azaronka i Hajdukieviča

Na hrodzienskaha biznesmiena Ihara Leanarda, jaki ciapier žyvie ŭ Izraili, raspačali kryminalnuju spravu ŭ Biełarusi paśla rolika, u jakim jon vykazvaŭsia pra Aleha Hajdukieviča i Ryhora Azaronka, zaŭvažyŭ telehram-kanał «Vitiebsk, ja hulaju!»

Ihar Leanard. Skrynšot ź videa

Ihar Leanard viadzie tyktok-akaŭnt «AVANTIURIST.BY», dzie publikuje videa pra karupcyju, biznes-schiemy, adkaty i inšyja prablemnyja temy ŭ biełaruskim biznesie. Na hety momant u akaŭnta bolš za 17,5 tysiačy padpisčykaŭ.

1 krasavika sud Čyhunačnaha rajona Viciebska ŭnios hety tyktok-akaŭnt u śpis «ekstremisckich materyjałaŭ».

Adnak, pa słovach samoha Ihara, hetym sprava nie skončyłasia. U adnym ź videa jon paviedamiŭ, što suprać jaho, imavierna, raspačali i kryminalnuju spravu.

Pa jahonaj viersii, padstavaj dla hetaha staŭ papularny rolik, jaki nabraŭ kala 350 tysiač prahladaŭ i bolš za 13 tysiač łajkaŭ. U im Ihar Leanard kamientavaŭ vizit biełaruskich prapahandystaŭ da pasolstva Irana ŭ Minsku i zadavaŭsia pytańniem, čamu jany ŭ pačatku rasijskaha napadu na Ukrainu nie vystupali z takimi ž zajavami ŭ padtrymku apošniaj.

Kamientary da artykuła