Na kancert ukrainki Mary Krajmbrery pradali ŭsiu «Minsk-Arenu» — bolš za 15 tysiač kvitkoŭ
Dziaŭčyna zrabiła karjeru ŭ Maskvie, a vajnu na radzimie starajecca nie zaŭvažać.
Mary Krajmbrery. Fota ź jaje instahrama
Da kanca hoda ŭ «Minsk-Arenie» zapłanavana piać kancertaŭ. Heta vystupy ruskamoŭnych śpievakoŭ Mary Krajmbrery, Paliny Haharynaj, Dzimy Biłana, a taksama salanka zorak 1990‑ch i tancavalnaje šou «Simfonija žyćcia».
Bližejšy vystup, užo 2 maja, u pop-zorki Mary Krajmbrery. I kvitki razabrali amal całkam. Pradadziena 11290 miescaŭ na trybunach, a taksama niekalki tysiač kvitkoŭ na tancpole i ŭ fanzonie. Na hety momant u prodažy tolki roŭna piać miescaŭ na tancpole.
Za mahčymaść pačuć Mary Krajmbrery ŭžyvuju jaje fanaty zapłacili ad 65 da 236 rubloŭ.
Sapraŭdnaje imia śpiavački — Maryna Žadan, jana naradziłasia i vyrasła ŭ Kryvym Rohu. Pryhožy psieŭdanim prydumała sabie jašče ŭ 11 hadoŭ u škole na infarmatycy. U 20 hadoŭ dziaŭčyna pajechała skarać Maskvu — i joj heta ŭdałosia.
Vajnu na svajoj radzimie artystka nie zhadvaje publična. Jana praciahvaje žyć svajo zvykłaje zornaje žyćcio ŭ Rasii. U Biełarusi taksama čas ad času vystupaje.
Letaś, naprykład, Mary Krajmbrery była chedłajnierkaj Dnia horada ŭ Hrodnie. Pasłuchać jaje sabrałasia kala 25 tysiač čałaviek. Sioleta ŭ červieni śpiavačka taksama vystupić na Dni moładzi ŭ Homieli.
Čytajcie taksama:
U Biełarusi adzin za adnym admianiajuć fiestyvali. U čym pryčyna?
Chto vystupić na «Słavianskim bazary» i kolki kaštujuć kvitki
Biełarusy raźmiatajuć kvitki ŭ Stambuł na červień — usio praz kancert Karža