Chto vystupić na «Słavianskim bazary» i kolki kaštujuć kvitki

Choć aficyjny start muzyčnaha forumu namiečany na 16 lipienia, fiestyvalnaja prahrama pačniecca raniej — z 14-ha.

U hety dzień na novaj placoŭcy fiestyvalu — u Centralnym spartyŭnym kompleksie — adbudziecca trochhadzinny rok-kancert.

Siarod udzielnikaŭ užo zajaŭleny «Čiž&Co» i Piotr Jałfimaŭ. Imia jašče adnaho artysta pakul trymajecca ŭ sakrecie. Kvitki na rokieraŭ kaštujuć ad 150 da 190 rubloŭ.

Na nastupny dzień, 15 lipienia, na hetaj ža placoŭcy vystupić Aleh Hazmanaŭ. Kvitki na kancert «jesauła» abyducca ŭ 100—160 rubloŭ.

Taksama 15 lipienia ŭ kancertnaj zale «Viciebsk» vystupić Taisija Pavalij. Nastupnym viečaram tam ža projdzie kancert Dzianisa Majdanava. Ceny kvitkoŭ na ich kancerty — 70—120 rubloŭ.

Aficyjnaje adkryćcio fiestyvalu projdzie 16 lipienia ŭ 19:30 u Letnim amfiteatry. Heta tradycyjna samy maštabny kancert, dzie na adnoj scenie źbirajecca šmat viadomych artystaŭ.

Imiony ŭdzielnikaŭ pakul nie raskryvajuć, zatoje viadomy košt kvitkoŭ — ad 95 da 290 rubloŭ.

Pozna ŭviečary ŭ Centralnym spartyŭnym kompleksie adbudziecca dyskateka «Tancplacoŭka» z udziełam Taćciany Bułanavaj, hurta «Otpietyje mošieńniki» i inšych zorak 90-ch. Kvitki kaštujuć ad 100 da 160 rubloŭ.

Tam ža, ale ŭžo ŭviečary nastupnaha dnia vystupić Uładzimir Preśniakoŭ. Kvitki na jaho šou kaštujuć ad 150 da 190 rubloŭ.

U hety ž dzień u Letnim amfiteatry projdzie hała-kancert «Sajuznaja dziaržava zaprašaje…». Imiony ŭdzielnikaŭ pakul nie viadomyja, a voś kvitki abyducca ŭ 45—150 rubloŭ.

U noč na 18 lipienia adbudziecca dyskateka «Załaty chit». Na scenu vyjduć «Na-Na», «Bałahan Limitied», «Diskomafija», «Ćviety», «Vierasy» i inšyja artysty. Kvitki — ad 55 da 190 rubloŭ.

Hetaj ža nočču, ale ŭ Centralnym spartyŭnym kompleksie projdzie jašče adna dyskateka — «Rytmy leta». Jaje chedłajnierami stanuć Akmal i Aleh Majami. Kvitki tudy kaštujuć 150—190 rubloŭ.

Pieršy dzień konkursu estradnaj pieśni «Viciebsk» zapłanavany na 18 lipienia. U druhim adździaleńni kancerta vystupić Ani Łorak. Patrapić na heta šou možna, zapłaciŭšy ad 50 da 175 rubloŭ.

U hety ž dzień na placoŭcy Centralnaha spartyŭnaha kompleksu daść kancert Hryhoryj Leps. Pasłuchać jaho chity možna za 150—190 rubloŭ.

Zakryćcio fiestyvalu i finał konkursu vykanaŭcaŭ projduć 19 lipienia. Chto mienavita vyjdzie na scenu, pakul nie paviedamlajecca, ale kvitki abyducca publicy ŭ 75—230 rubloŭ.

U toj ža dzień u kancertnaj zale «Viciebsk» adbuducca dva solnyja kancerty. Dniom vystupić Alaksandr Malinin, a ŭviečary — Iryna Kruh. Kvitki kaštujuć ad 90 da 150 rubloŭ.

Pad zasłonu «Słavianskaha bazaru» kancertnuju prahramu pradstavić Jarasłaŭ Sumišeŭski. Jon vystupić u KZ «Viciebsk» 20 lipienia. Cana kvitkoŭ takaja ž, jak na Malinina i Kruh.

Apošnim kancertam fiestyvalu stanie «Šanson TB — usie zorki». Jon projdzie ŭ letnim amfiteatry. Imiony artystaŭ pakul nie raskrytyja, zatoje viadomaja cana kvitkoŭ — ad 55 da 190 rubloŭ.

• 1
• 1
• 1
• 2
• 0
• 1
• 3
• 0