U Minsk pryjedzie niderłandskaja zorka 2010-ch. Vy dakładna čuli jaje chity This Is Love i Policeman

Sioletni fiestyval belbet fest abjaviŭ poŭny łajnap. Da ŭžo zajaŭlenych raniej artystaŭ 13 červienia na stadyjonie «Dynama» dałučacca rasijskija vykanaŭcy Niletto, Seryabkina i niderłandskaja śpiavačka Eva Simons, viadomaja svaimi chitami Policeman, Bludfire i This Is Love, zapisanym u duecie z will.i.am.

Eva Simans. Fota: Joseph Okpako/WireImage

Na hałoŭnaj scenie ŭ hety dzień taksama źbiarucca i inšyja vykanaŭcy. Siarod ich — Vania Dźmitryjenka, Galibri & Mavik, Swanky Tunes, 5sta Family, Naścia Kraŭčanka, DJ Jeneva i Cosa Nostra.

Paviedamlajecca, što ŭ hetym hodzie belbet fest vyjdzie na novy ŭzrovień i prapanuje bolš zabaŭ, interaktyŭnych zon i fudkortaŭ z raznastajnaj vuličnaj ježaj.

Adno z hałoŭnych novaŭviadzieńniaŭ — vybar farmatu ŭdziełu. «Fiestyvalny» bilet daje dostup da ŭsich aktyŭnaściaŭ, fudkortaŭ i dadatkovych scen. Dla poŭnaha pahružeńnia praduhledžany farmat «Hałoŭnaja scena», jaki dazvolić ubačyć usie klučavyja vystupleńni.

Fiestyval projdzie 13 červienia na stadyjonie «Dynama». Da jaho arhanizacyi maje dačynieńnie «Muzyčnaja miedyjakampanija» (MMK), źviazanaja z Hannaj Łukašenkaj (Siałuk), žonkaj siaredniaha syna Alaksandra Łukašenki Dźmitryja.

Kamientary da artykuła