Cichanoŭskaja pryjechała na Samit jeŭrapiejskich lidaraŭ u Jerevan
Heta pieršy vizit biełaruskaj lidarki ŭ Armieniju. Raniej jon nie anansavaŭsia.
Photo by Omar Marques Anadolu via Getty Images
Jana voźmie ŭdzieł u mierapryjemstvach samitu Jeŭrapiejskaj palityčnaj supolnaści jak zaprošanaja hościa ad Biełarusi, a taksama ŭ kanfierencyi «Jerevanski dyjałoh», arhanizavanaj MZS Armienii.
Heta pieršy vizit biełaruskaj lidarki ŭ Armieniju. Raniej z pryčyn biaśpieki pra jaje vizit u Armieniju nie paviedamlałasia, piša jaje pres-słužba.
Haspadarom samitu źjaŭlajecca Nikoł Pašynian — premjer-ministr Armienii. U Jerevan taksama prybyli Emanuel Makron, Ursuła fon der Lajen, Antoniu Košta, Kaja Kałas, Kir Starmier, Uładzimir Zialenski, Džordža Miełoni i mnohija inšyja lidary. Upieršyniu ŭ samicie voźmie ŭdzieł premjer-ministr Kanady.
Cichanoŭskaja pradstavić Biełaruś na samitach Jeŭrapiejskaj palityčnaj supolnaści ŭžo piatym razam.
«Našaja zadača — trymać Biełaruś u centry ŭvahi. I mienavita tamu ja siońnia tut», — skazała jana.