Fica sustreniecca ŭ Maskvie z Pucinym, ale na parad nie pojdzie
Premjer-ministr Słavakii Robiert Fica płanuje pajezdku ŭ Maskvu 9 maja, dzie jon źbirajecca sustrecca z Uładzimiram Pucinym, adnak svoj udzieł u vajskovym paradzie jon admaŭlaje.
Robiert Fica. Fota: AP Photo / Denes Erdos
Pavodle słoŭ Fica, vizit budzie mieć abmiežavany farmat: jon płanuje ŭskłaści kvietki da Mahiły nieviadomaha sałdata kala Kramloŭskaj ściany i pravieści karotkuju sustreču z rasijskim kiraŭnikom. Fica adznačyŭ, što heta budzie farmat, padobny da jahonych papiarednich pajezdak.
Miž tym Kreml u svaich paviedamleńniach padkreślivaje, što Fica jedzie ŭ Maskvu mienavita na parad.
Taksama słavacki premjer zajaviŭ, što padčas pajezdki na samit u Armieniju jon nie atrymlivaŭ istotnych pytańniaŭ ad inšych lidaraŭ nakont vizitu ŭ Rasiju i padkreślivaje važnaść dyjałohu, zajaŭlajučy, što maje svaje arhumienty dla takich kantaktaŭ.
Pry hetym maršrut jaho palotu vyklikaŭ składanaści: Polšča i krainy Bałtyi admovili ŭ vykarystańni svajoj pavietranaj prastory, tamu pytańnie maršrutu zastajecca adkrytym abo abmiežavanym.
Čytajcie taksama:
Kreml anansavaŭ sustrečy Pucina 9 maja ź Fica i Łukašenkam
Dla palotu Robierta Fica da Pucina na 9 maja ruku dapamohi praciahnuła Čechija
U Kramli zajavili, što premjer Słavakii budzie prysutničać na paradzie 9 maja