Śviatłana Cichanoŭskaja sustrełasia z Robiertam Ficam
Na palach samitu ŭ Armienii Śviatłana Cichanoŭskaja sustrełasia z premjer-ministram Słavakii Robiertam Ficam, paviedamlaje pres-słužba demakratyčnaj lidarki.
Śviatłana Cichanoŭskaja i Robiert Fica. Skrynšot ź videa
Padčas razmovy palityki abmierkavali važnaść supolnaj jeŭrapiejskaj padtrymki dla Biełarusi i dla Ukrainy, a taksama mahčymaści dalejšaj supracy pamiž Słavakijaj i demakratyčnymi siłami. Akramia taho, była zakranutaja tema Biełarusi ŭ kantekście Ukrainy — premjer-ministr Słavakii nieŭzabavie źbirajecca naviedać Kijeŭ z aficyjnym vizitam, hetak ža sama jak i Śviatłana Cichanoŭskaja.
«Supolnaja jeŭrapiejskaja padtrymka dla Biełarusi i Ukrainy siońnia asabliva važnaja. U ahulnych jeŭrapiejskich intaresach — zachoŭvać jednaść, umacoŭvać padtrymku i raźvivać supracoŭnictva. Demakratyčnaja Biełaruś hatovaja być nadziejnym partnioram i chaŭruśnikam u hetych pytańniach», — adznačyła pa vynikach sustrečy Śviatłana Cichanoŭskaja.
Čytajcie taksama:
Fica sustreniecca ŭ Maskvie z Pucinym, ale na parad nie pojdzie
Kreml anansavaŭ sustrečy Pucina 9 maja ź Fica i Łukašenkam
Dla palotu Robierta Fica da Pucina na 9 maja ruku dapamohi praciahnuła Čechija