U Homieli biazdomnyja sabaki napali na dziaŭčynku
U Homieli 8 maja biazdomnyja sabaki napali na 11‑hadovuju dziaŭčynku ŭ lasnym masivie kala mikrarajona Šviedskaja Horka. Adna z žyvioł ukusiła dzicia.
Zdymak ilustracyjny. Fota z sacsietak
Dziaŭčynku chutka dastavili ŭ balnicu. Pa słovach miedykaŭ, jaje žyćciu ničoha nie pahražaje, ciapier dzicia znachodzicca pad nahladam uračoŭ i atrymlivaje nieabchodnuju dapamohu.
Paśla zdareńnia haradskija słužby ŭzmacnili pracu pa adłovie badziažnych žyvioł. Da vyrašeńnia situacyi dałučylisia administracyja Savieckaha rajona Homiela, MNS, milicyja i pradpryjemstva «Śpieckamuntrans». Śpiecyjalisty abśledavali terytoryju i znajšli miesca, dzie mahli znachodzicca sabaki. Da ranicy 9 maja ŭžo adłavili dvuch biazdomnych sabak, ale pošuki praciahvajucca.
Staršynia Homielskaha harvykankama Uładzimir Pryvałaŭ zaklikaŭ žycharoŭ paviedamlać pra zhrai biazdomnych sabak u dyśpietčarskuju słužbu abo praz haradski čat-bot.
Jon taksama nahadaŭ, što žycharam nie rekamiendujecca padkormlivać biazdomnych žyvioł. Pavodle jaho słoŭ, heta moža zrabić ich zaležnymi ad ludziej i pavialičyć ryzyku ahresiŭnych pavodzin.
Čytajcie taksama:
U Minsku staviać śpiecyjalnyja boksy dla sabak — voś dla čaho