Vice-śpikierka KR Lizavieta Prakopčyk źviarnułasia z prośbaj dapamahčy joj z pazykami na $12 tysiač. Što z hetaha vyjšła?
Daŭhi ŭtvarylisia ŭ tym liku praz toje, što ź dziaŭčynaj nie raźličylisia za pracu.
Paŭmiesiaca tamu vice-śpikierka Kaardynacyjnaj rady Lizavieta Prakopčyk paprasiła hramadskaść dapamahčy joj dać rady z doŭham na $12 tysiač.
Małady palityk nie stolki prasiła pra danaty, kolki cpadziavałasia, što niejki mahnat pierapazačyć joj hrošy ź miakkimi kredytnymi ŭmovami.
Daŭhi ŭ Lizaviety ŭtvarylisia ŭ tym liku praź niavypłačanyja hrošy za pracu ad dźviuch NDA i niervovy zryŭ, paśla jakoha jana vymušana była prypynić udzieł u svaich prajektach.
Jak spravy ŭ vice-śpikierki KR ciapier?
Liza Prakopčyk. Fota: asabisty archiŭ
Dziaŭčyna raspaviała «Našaj Nivie», što joj padaryli $200, a taksama pierapazyčyli $8 tysiač. Tamu ciapier jana moža addavać doŭh adnamu čałavieku, a nie mnohim.
«Heta prapanavaŭ mnie adzin sa znajomych, — raskazała Lizavieta. — Mahčyma, budzie jašče $8 tysiač».
Z pahrozaj špitalizacyi praź niervovy zryŭ letam minułaha hoda Lizie pryjšłosia pakinuć usie svaje pracy, kab adpačyć i zaniacca psichałahičnym zdaroŭjem. Zaraz jana viarnułasia ŭ stroj i padpracoŭvaje ŭ jakaści fryłansierki ŭ markietynhu i SMM. Praŭda, amal usie hanarary iduć na abaviazkovyja vypłaty nakštałt arendy kvatery i pasilnaje viartańnie pazyk.
Paśla vybaraŭ u Kaardynacyjnuju radu Lizavieta płanuje dadatkova pracavać barbekam (pamočnicaj barmiena) u adnym z poznańskich hastramiescaŭ.