U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ
«Ja nie prašu pra dabračynnaść (choć i jaje ŭžo admaŭlać nie mahu). Chutčej šukaju niejkaha mahnata, jaki moža restrukturyzavać maje pazyki i prapanavać miakkija kredytnyja ŭmovy», — kaža małady palityk.
Častka doŭhu Lizaviety Prakopčyk utvaryłasia praź niavypłačanyja hrošy za pracu ad dźviuch NDA (jany vinnyja aktyvistcy amal $6 tysiač). Druhaja častka pazyki pačała raści praź niervovy zryŭ, paśla jakoha dziaŭčyna była vymušanaja prypynić usie prajekty, i dadatkova praź jaje udzieł u vałanciorskich varušniakach.
«Z pahrozaj špitalizacyi praź niervovy zryŭ letam minułaha hoda mnie pryjšłosia pakinuć usie pracy, prosta kab miesiac-dva adyści ad 12‑15 hadzin štodzionnaj pracy (Liza raspaviała, što časta pracavała na dźviuch‑troch pracach u NDA i dadatkova zajmałasia palitykaj — NN). Tak ja pačała žyć u pazyku. Užo vosieńniu ja znoŭ vyjšła na pracu, patrochu raspłačvałasia z adnymi pazykami, ale ŭsio roŭna prychodziłasia brać novyja. Brać novyja pazyki prychodziłasia praź śpiecyfiku pracy ŭ biełaruskich NDA ty zaŭsiody pracuješ jak padradčyk, nie jak supracoŭnik. Na praktycy heta značyć, što pracu ty vykonvaješ zaraz, a zapłaciać tabie kali-niebudź», — padzialiłasia Liza.
Pačynajučy ź zimy, pa słovach aktyvistki, jana žyvie dziakujučy siabram.
Paśla vymušanaha zvalnieńnia z pracy Liza dva miesiacy pracavała ź psichaterapieŭtam. Dadatkova prymała antydepresanty i lačyła svoj tryvožna-depresiŭny razład. Zaraz jana padpracoŭvaje ŭ jakaści fryłansierki ŭ markietynhu i SMM, ale hetyja hrošy iduć u asnoŭnym na abaviazkovyja vypłaty.
«Za hety miesiac ja zarabiła tak kala $1000, ź ich $650 addała za kvateru, $220 — siabru ŭ košt zakryćcia pazykaŭ. Na rukach zastałosia kala $150», — raskazała dziaŭčyna pra svaju situacyju «Našaj Nivie».
«Ja liču, što žyła pa srodkach. Kaniečnie, možna było b žyć jašče bolš ścipła. Ale ja i tak admaŭlałasia amal ad usiaho. Biudžet na ježu moj ahułam skaraciŭsia z 400 złotych na tydzień da 150 złotych (sa $110 da $40 — NN). Ja dumała nakont źmieny žytła — zamiest kvatery zdymać, naprykład, pakoj. Ale heta viadzie da adnamomantnych vydatkaŭ, jakija ja nie mahła sabie dazvolić. Navat kali ja zaraz chadžu na niejkija tusoŭki, to idu zaŭsiody ź siabrami, jakija pra maju finansavuju situacyju viedajuć. Tamu kali za niešta treba płacić, płaciać jany — za što im žorstki reśpiekt!».
Čytajcie taksama:«Niejkaja Liza, jakoj 20 hadoŭ, sudzicca z Łukašenkam» — vialikaja hutarka ź Lizavietaj Prakopčyk
Paśla vybaraŭ u Kaardynacyjnuju radu Lizavieta płanuje pracavać barbekam (pamočnicaj barmiena) u adnym z poznańskich hastramiescaŭ.
«Praca fizična ciažkaja, ale ŭ mianie i dośvied užo byŭ, i ahułam, hałoŭnaje, što nie zavod i nie skład», — razvažaje Prakopčyk.
«Pra danaty ci niešta takoje nie prašu. Ale kali siarod čytačoŭ «Našaj Nivy» znojdziecca ajcišnik ci ajcišnica, jakim nie škada pazyku restrukturyzavać i zrabić tak, kab ja nie była vinnaja ŭsio i adnačasova, to budu vielmi ŭdziačnaja», — kaža dziaŭčyna.
Zaviazvać z palitykaj dziaŭčyna taksama nie źbirajecca, heta toje, što joj mocna padabajecca.
«Ja nie kinu palityku ni pry jakich umovach, pakul my ŭsie ŭ Biełarusi nie apyniomsia. Tut maim chejteram rekamienduju nie rassłablacca!»
«Naša Niva» — bastyjon biełaruščyny
PADTRYMAĆCiapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra6
Kamientary
[Zredahavana]