Žychar Słucka nabiraŭ zamovy na vyrab mebli, a paśla ich nie vykonvaŭ
Žychara Słucka abvinavačvajuć u machlarstvie pry vyrabie i ramoncie mebli. Pa materyjałach śledstva, 39‑hadovy mužčyna niekalki hadoŭ prymaŭ zakazy ad žycharoŭ roznych rehijonaŭ Biełarusi, ale nie vykonvaŭ uziatyja abaviazki.
Fota: Śledčy kamitet
Śledčy kamitet paviedamlaje, što sa žniŭnia 2024 hoda da lutaha 2026 hoda mužčyna prapanoŭvaŭ ramont, restaŭracyju i vyrab mebli, paśla čaho atrymlivaŭ hrošy ad klijentaŭ. Ahulnaja suma naniesienaj škody pieravysiła 35 tysiač rubloŭ.
Padčas dopytu mužčyna śćviardžaŭ, što prosta nabraŭ zanadta šmat zakazaŭ i nie raźličyŭ svaje mahčymaści. Jamu, adnak, vystavili abvinavačańnie pavodle artykuła ab machlarstvie ŭ bujnym pamiery. U jakaści miery strymańnia vybrali asabistaje paručalnictva.
Na hety momant śledstva viedaje bolš čym pra 60 epizodaŭ mahčymaj machlarskaj dziejnaści, adnak paciarpiełych moža być jašče bolš.
Čytajcie taksama:
Žančyna ledź nie straciła 60 tysiač rubloŭ, hrošy dapamoh uratavać syn
U Minsku vaśmikłaśnik vynies machlaram hrošy baćkoŭ
Biełarusbank uvodzić novyja limity dla kartak, kab baranić klijentaŭ ad machlaroŭ