Žančyna ledź nie straciła 60 tysiač rubloŭ, hrošy dapamoh uratavać syn
53‑hadovaja žycharka Barysava ledź nie straciła hrošy ŭ vyniku machlarskaj schiemy, paviedamlaje pres-słužba milicyi.
Złačynnaja schiema pačałasia sa zvykłaj schiemy, kali joj patelefanavaŭ čałaviek, jaki pradstaviŭsia supracoŭnikam elektrasietak.
Da razmovy padklučylisia nibyta pradstaŭniki pravaachoŭnych orhanaŭ. Jany paviedamili, što ad imia žančyny padadzieny zajaŭki na afarmleńnie kredytaŭ na vialikuju sumu hrošaj. Na heta jana adkazała, što nie padavała nijakich zajavak. Tady nieznajomcy vykazali zdahadku, što heta machlarskaja schiema i da jaje mohuć być datyčnyja supracoŭniki banka.
Złamyśniki pierakanali žančynu, što jaje bankaŭski rachunak znachodzicca pad pahrozaj, i dla vypłaty nibyta aformlenych kredytaŭ nieabchodna ŭziać sapraŭdny kredyt i pieravieści hrošy na biaśpiečny rachunak.
Pad uździejańniem psichałahičnaha cisku žycharka Barysava tak i zrabiła — aformiła dźvie zajaŭki na kredyty pa 30 tysiač rubloŭ kožnaja. Adnak paśla razmovy z synam zrazumieła, što mieła spravu z machlarami, i spyniła pierapisku.
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»1
Kamientary