Machlary pahražajuć vialikimi štrafami za admovu stavić vohnietušylniki

U Biełarusi aktyvizavalisia telefonnyja ašukancy, jakija pradstaŭlajucca supracoŭnikami MNS. Nieviadomyja telefanujuć ludziam i patrabujuć pastavić u ich žylli vohnietušylniki, pahražajučy bujnymi štrafami ŭ vypadku admovy. Takim čynam złačyncy sprabujuć zapałochać čałavieka i atrymać jaho asabistyja danyja, papiaredžvaje pres-słužba MNS.

Zdymak ilustracyjny. Fota: pixabay.com

U MNS padkreślivajuć, što heta machlary.

Sapraŭdnyja supracoŭniki MNS:

• nie zajmajucca prodažam vohnietušylnikaŭ, pažarnych apaviaščalnikaŭ ci inšych srodkaŭ biaśpieki;
• nie vypisvajuć štrafy pa telefonie;
• nie patrabujuć paviedamlać pašpartnyja danyja, numary bankaŭskich kartak abo kody z SMS.

Ustanoŭka srodkaŭ pažarnaj biaśpieki ŭ pryvatnym domie ci kvatery nosić dobraachvotny charaktar i robicca dziela asabistaj biaśpieki.

Ludziam rajać być uvažlivymi i papiaredzić pra takuju schiemu svaich blizkich, asabliva pažyłych svajakoŭ.

Kamientary da artykuła