U Minsku pačali pracavać kamiery dla kantrolu chutkaści elektrasamakataŭ
Zaraz dla kantrolu za rucham elektrasamakataŭ i inšych srodkaŭ piersanalnaj mabilnaści ŭ Minsku pačnuć vykarystoŭvać kompleks Skat-PP.
U Minsku pačali pracavać kamiery dla kantrolu chutkaści elektrasamakataŭ.
Zhodna sa źmianieńniami ŭ Praviłach darožnaha ruchu, ź vieraśnia minułaha hoda ŭ nasielenych punktach chutkaść srodkaŭ piersanalnaj mabilnaści abmiežavanaja da 10 km/h. Na vieładarožkach i ŭ niekatorych vypadkach pa krai prajeznaj častki — da 25 km/h. Hetyja źmieny źviazanyja z analizam avaryjnaści: letaś tolki ŭ Minsku adbyłosia kala 500 zdareńniaŭ z udziełam uładalnikaŭ mabilnaha transpartu.
Ciapier dla kantrolu za rucham elektrasamakataŭ i inšych SPM u Minsk pačnuć vykarystoŭvać mabilny vymiaralny kompleks Skat-PP. Jon fiksuje chutkaść i inšyja paramietry, a pry parušeńniach pieradaje danyja na słužbovy płanšet supracoŭnika DAI.
— Atrymaŭšy paviedamleńnie, pravaachoŭniki spyniać parušeńnie i praviaduć z parušalnikam prafiłaktyčnuju hutarku, — padzialiŭsia padrabiaznaściami načalnik hałoŭnaha ŭpraŭleńnia DAI Viktar Rotčankaŭ. — Kali parušeńnie budzie ździejśniena paŭtorna, čałavieka pryciahnuć da adkaznaści.
Zaraz kompleks pracuje ŭ testavym režymie. U pieršuju čarhu jaho buduć raźmiaščać u miescach, dzie raniej fiksavalisia avaryi z udziełam samakatčykaŭ.
— Źmieny ŭ PDR sapraŭdy prykmietna paŭpłyvali na darožnuju situacyju, — padkreśliŭ Rotčankaŭ. — Sioleta ŭ paraŭnańni z anałahičnym pieryjadam 2025 hoda kolkaść avaryj z udziełam kiroŭcaŭ SPM źniziłasia na 40 pracentaŭ. A kolkaść zdareńniaŭ ź viełasipiedystami ŭvohule skaraciłasia ŭdvaja.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary