Kala Biełaviežskaj puščy stvarajuć muzyčnuju trasu ź pieśniaj «Pieśniaroŭ»
U Biełarusi stvarajuć niezvyčajnuju muzyčnuju darohu, jakaja budzie prajhravać miełodyju viadomaj pieśni ansambla «Pieśniary» — «Biełaviežskaja pušča». Novy ŭčastak źjavicca na trasie Brest — Kamianiec — Biełaviežskaja pušča, na padjeździe da adnaho z hałoŭnych simvałaŭ krainy.
Skrynšot ź videa
Daŭžynia muzyčnaha adrezka składzie kala 700 mietraŭ. Jaho asablivaść u tym, što padčas ruchu aŭtamabila pa śpiecyjalnym pakryćci ŭ sałonie budzie čuvać miełodyja pieśni. Taki efiekt uźnikaje dziakujučy asablivaj technałohii kładki asfaltu: pavierchnia darohi stvarajecca takim čynam, kab koły mašyny pry ruchu «vyčytvali» patrebny rytm i pieratvarali jaho ŭ muzyku.
U asnovu prajekta pakłali kampazicyju ansambla «Pieśniary» — «Biełaviežskaja pušča». Miarkujecca, što takaja daroha stvoryć dla turystaŭ asablivuju atmaśfieru jašče da pryjezdu ŭ zapaviednik i zrobić maršrut bolš zapaminalnym.
Heta ŭžo nie pieršy padobny prajekt u Biełarusi. Raniej muzyčnuju darohu zrabili ŭ Homielskaj vobłaści na trasie Babrujsk — Mazyr — miaža Ukrainy. Tam pry ruchu aŭtamabila taksama hučyć miełodyja pieśni «Biełoruśsija» ŭ vykanańni «Pieśniaroŭ».
Čytajcie taksama:
Pad Hrodnam ryś vyjšła ź lesu i paziravała ludziam na biervianie VIDEA
U DAI nie zhodnyja, što «tabło hańby» na darohach parušaje zakony ab piersanalnych danych
Biełarusaŭ papiaredzili pra štrafy za fota ŭ kvitniejučym rapsie