Biełarusaŭ papiaredzili pra štrafy za fota ŭ kvitniejučym rapsie
Jak piša maładziečanskaja rajonka, zabarony na takija fotasiesii niama, a voś adkaznaść nadyści moža.
«My z vami nie pčołki, jakija prynosiać karyść kvitniejučym kulturam, a ŭ pahoni za ŭdałym kadram možam i naškodzić raślinam», — papiaredžvajuć prapahandysty.
Vyhladaje, publikavać zdymki ŭ rapsavym poli, jakich błohiery čakajuć hod, stanovicca niebiaśpiečnym.
«Kali łaska, łavicie soniejka siarod załatych kvietak, rabicie sełfi, abdymajcie žoŭtaje mora, ale tolki z darohi ci abočyny», — piša «Maładziečanskaja hazieta».
Zabarony na takija fotasiesii niama, a voś štraf atrymać možna, dadaje vydańnie.
Paškodžańnie rapsu možna rascanić jak naŭmysnaje źniščeńnie abo paškodžańnie čužoj majomaści, papiaredžvaje vydańnie. Sankcyja artykuła 11.3 Kodeksa ab administracyjnych pravaparušeńniach praduhledžvaje štraf sumaj da 30 bazavych adzinak (1350 rubloŭ).
«Darahaja fotasiesija moža atrymacca, praŭda? Plus jość ryzyka być ukušanym pčołami, jakija taksama vielmi lubiać rapsavyja pali. A jašče pyłok kvietak rapsu vielmi drenna vyvodzicca z adzieńnia», — tłumačyć vydańnie.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy23
Kamientary
Hryby u lesie hrabuć.
Hladiš, da kałapsu
Biełaruś daviaduć