Na minskaj ratavalnaj stancyi budzie pracavać štučny intelekt

U Minsku na ratavalnaj stancyi Tavarystva ratavańnia na vodach «Cnianskaja» płanujuć ukaranić sistemu štučnaha intelektu dla pavyšeńnia biaśpieki na vadzie, piša BiełTA.

Cnianskaje vadaschovišča. Zdymak ilustracyjny. Fota: bestbelarus.by 

Prajekt realizujuć sumiesna z Parkam vysokich technałohij. Ciapier śpiecyjalisty rychtujucca ŭstalavać nieabchodnaje prahramnaje zabieśpiačeńnie i na praciahu troch miesiacaŭ buduć testavać novuju sistemu.

Pavodle zadumki, štučny intelekt zmoža raspaznavać sihnały biedstva ad ludziej, jakija tonuć, i aŭtamatyčna pieradavać infarmacyju na ratavalnuju stancyju. Heta pavinna dapamahčy ratavalnikam chutčej reahavać na niebiaśpiečnyja situacyi.

Dla vyprabavańnia vybrali mienavita stancyju «Cnianskaja», bo ŭ letni siezon na miascovym plažy adnačasova mohuć adpačyvać ad 8 da 10 tysiač čałaviek. Pry takoj kolkaści ludziej sačyć za ŭsimi, chto znachodzicca ŭ vadzie, vielmi składana, tamu vykarystańnie štučnaha intelektu pavinna značna palehčyć pracu ratavalnikaŭ i dapamahčy chutčej ratavać ludziej.

Kamientary da artykuła