Cichanoŭskaja raskazała, pra što pahavaryła z Koŭłam
Śpiecyjalny pradstaŭnik prezidenta ZŠA pa Biełarusi Džon Koŭł siońnia paviedamiŭ, što pravioŭ telefonnuju razmovu sa Śviatłanaj Cichanoŭskaj. Jana padzialiłasia niekatorymi padrabiaznaściami hetaj razmovy, adznačyŭšy, što razam z Koŭłam na suviazi byŭ namieśnik pamočnika dziaržsakratara ZŠA pa Uschodniaj Jeŭropie Krys Śmit.
Śviatłana Cichanoŭskaja. Fota: AP Photo / Mindaugas Kulbis
«Vielmi ŭdziačnaja za siońniašniuju telefonnuju razmovu sa śpiecyjalnym pasłańnikam prezidenta Złučanych Štataŭ Džonam Koŭłam i namieśnikam pamočnika dziaržaŭnaha sakratara ZŠA pa spravach Jeŭropy i Jeŭrazii Krysam Śmitam.
Ja vykazała ščyruju padziaku prezidentu i jaho kamandzie za dapamohu ŭ vyzvaleńni bolš za 500 palityčnych źniavolenych u Biełarusi.
Prezident Tramp zajaviŭ, što meta — vyzvalić ich usich, i ja ŭpeŭnienaja ŭ pośpiechu humanitarnych namahańniaŭ u hetym napramku», — napisała Śviatłana Cichanoŭskaja.
Čytajcie taksama:
Džon Koŭł sazvaniŭsia sa Śviatłanaj Cichanoŭskaj
Maryna Zołatava — ZŠA, ES: Kali łaska, nie spyniajciesia!
Tramp padziakavaŭ Łukašenku za supracu i siabroŭstva
Džon Koŭł paabiacaŭ źviarnuć asablivuju ŭvahu na los adnoj z palitźniavolenych