Eks-redaktarka Tut.by i eks-palitźniavolenaja źviarnułasia ŭ svaim telehram-kanale da administracyi ZŠA i ŭładaŭ krain ES.
«Mianie zavuć Maryna Zołatava. 18 hadoŭ ja była redaktaram Tut.by, a čatyry z pałovaj hady praviała za kratami. U śniežni 2025 hoda mianie razam ź inšymi palitviaźniami vyvieźli z kałonii ŭ Homieli. Ciapier ja na voli, razam sa svajoj siamjoj. Ale za hetyja piać miesiacaŭ nie było ni dnia, kab ja nie ŭspaminała pra tych, chto zastaŭsia tam.
Ciapier u Biełarusi bolš za 100 žančyn-palitviaźniaŭ.
Chtości apynuŭsia za kratami praz svaje pierakanańni, a chtości — uvohule vypadkova. Ale całkam dakładna ni pieršyja, ni druhija nie zasłuhoŭvajuć pakut, jakija jany ciapier pieražyvajuć.
Ja baču vočy hetych žančyn. U ich — nadzieja, tryvoha, čakańnie. Časam rospač, časam tuha. Sproby trymacca badziora na ludziach, kali serca razryvajecca ad bolu. Bo nie viedaješ, kali ŭbačyš blizkich. A časam nie viedaješ — ci ŭbačyš uvohule.
Chtości ź ich viadomy, pra ich uspaminajuć čaściej, ale imiony bolšaści ź ich vam ničoha nie skažuć. Daktary i miedsiostry, nastaŭniki, kuchary, cyrulniki, jurysty, advakaty, žurnalisty, studentki, spartsmienki, pradprymalnicy, dziaržsłužačyja, piensijanierki… Mnohija ź ich za kratami ŭžo 4, a to i 5 hadoŭ. Ich treba ratavać. Terminova.
Ja ŭdziačnaja śpiecyjalnamu pasłańniku prezidenta ZŠA Džonu Koŭłu i jaho kamandzie za toje, što dziakujučy ich namahańniam za apošni hod ź biełaruskich turmaŭ vyjšli sotni palitviaźniaŭ. Ale represii ŭ Biełarusi nie spyniajucca, a ŭ turmy z-za palityki traplajuć usio novyja i novyja ludzi. Niama ničoha važniejšaha za žyćcio, zdaroŭje i svabodu čałavieka. Ja źviartajusia da ŭsich, chto moža paŭpłyvać na hetuju katastrafičnuju situacyju.
Ja źviartajusia da amierykanskaha boku: kali łaska, nie spyniajciesia.
Ja źviartajusia da ŭładaŭ krain ES: vaš hołas i ŭdzieł majuć vielizarnaje značeńnie.
Narešcie, ja źviartajusia da ŭładaŭ Biełarusi: u vašych siłach spynić heta, pryjšoŭ čas spynić hetyja represii. Navat nie dziela źniaćcia sankcyj. Dziela budučyni. Dziela samich siabie. Tak bolš nie moža praciahvacca.
Ja taksama źviartajusia da ŭsich nieabyjakavych. Kali łaska, nie maŭčycie. Stańcie hołasam tych, chto sam nie moža vystupić u svaju abaronu. Raźmiaščajcie pasty z cheštehami #iajeiohołos i #iamhervoice u svaich sacyjalnych sietkach. Razam my zmožam źmianić situacyju».
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary
To udzieł vojska rBiełaruś razam z rf pad čas uvarvańnia 24 lutaha
To voś voś budzie napad ź Biełarusi i adekvatny adkaz
To praca ..na
To 16 tysiač dziaciej jakija vyviezieny
Čamuści u balšynie heta kamientujecie tutaka ..iazykom
Raspaŭsiudžvajecca " śpikierami" z Ukraina na rasiejskich jutubkanałach ci jazykatach dzie .iany zarablaju t sabie " kolkaść padpisčykaŭ " jazykom na jazykie ale nipriemierimyje u siabie na ukrainskich kanałach .
Prykłady proźvišča patrebny ci sami viedajecie ..
PS Ab vieniediktavie pastuchovie biełkoŭskam łarinie ŭsie i tak zrazumieła...