U Vienhryi ŭpieršyniu vyklikali rasijskaha pasła dla tłumačeńniaŭ pra vajnu

Ułady Vienhryi paśla ataki Rasii na ŭkrainskaje Zakarpaćcie ŭpieršyniu z pačatku poŭnamaštabnaj vajny va Ukrainie vyklikali rasijskaha pasła ŭ MZS. Sustreča pavinna adbycca ŭ čaćvier ranicaj, piša «Jeŭrapiejskaja praŭda».

Pasoł Rasii ŭ Vienhryi Jaŭhienij Stanisłavaŭ. Fota: hungary.mid.ru

Pra vyklik rasijskaha pasła paviedamiŭ premjer-ministr Vienhryi Pieter Madźjar paśla pasiadžeńnia novaha ŭrada, na jakim abmiarkoŭvali masiravanuju rasijskuju ataku pa Ukrainie 13 maja, u tym liku pa Zakarpackaj vobłaści.

Kiraŭnik vienhierskaha ŭrada zajaviŭ, što Budapiešt rašuča asudžaje ŭdar pa Zakarpaćci. Ministarka zamiežnych spraŭ Anita Orban vyklikała rasijskaha pasła paśla ataki dronaŭ na rehijon.

Paviedamlajecca, što ŭłady Vienhryi viedajuć pra jak minimum piać udaraŭ. U horadzie Svalava drony paškodzili transfarmatar i čyhunačnuju stancyju, a va Užharadzie — pramysłovy abjekt.

Raniej, pry papiarednim uradzie na čale ź Viktaram Orbanam, vienhierskaje MZS nikoli nie vyklikała rasijskaha pasła paśla atak na Zakarpaćcie, što nieadnarazova krytykavali niezaležnyja vienhierskija miedyja. U pamiežnaj ź Vienhryjaj Zakarpackaj vobłaści žyvie šmat etničnych vienhraŭ.

Ministr zamiežnych spraŭ Ukrainy Andrej Sibiha padziakavaŭ Anicie Orban za chutkuju reakcyju i asudžeńnie rasijskich udaraŭ.

Kamientary da artykuła