U Minsku zatrymali arhanizatara finansavaj piramidy, jaki za dva hady ŭźbiŭsia na 750 tysiač dalaraŭ
U Minsku supracoŭniki HUBAZiK MUS zatrymali 25‑hadovaha zamiežnika, jakoha padazrajuć u stvareńni finansavaj piramidy.
Pa infarmacyi MUS, za dva hady mužčyna zavałodaŭ hrašyma hramadzian Biełarusi, Rasii i Hruzii, jakija pražyvali ŭ stalicy. Ahulnaja suma škody, pa papiarednich danych, skłała kala 750 tysiač dalaraŭ.
Jak śćviardžajuć u milicyi, padazravany prapanoŭvaŭ znajomym układvać hrošy ŭ raźvićcio biznesu pa prodažy papularnaj techniki. Srodki jon atrymlivaŭ u pazyku, abiacajučy vypłaty z pracentami, adnak abaviazacielstvy nie vykonvaŭ.
U MUS zajavili, što hrošy tracilisia na raskošny ład žyćcia: płastyčnyja apieracyi žoncy, adpačynak na darahich kurortach, pieraloty biznes-kłasam, pražyvańnie ŭ luksavych hatelach, kuplu brendavych rečaŭ, juvielirnych upryhažeńniaŭ i techniki, a taksama naviedvańnie restaranaŭ i zabaŭlalnych ustanoŭ.
Śledčyja zaviali kryminalnuju spravu pavodle artykuła ab machlarstvie ŭ asabliva vialikaj sumie. Pa joj praduhledžana da 12 hadoŭ pazbaŭleńnia voli.