U minskaj Kamiennaj Horcy adkryli bujny chab chutkaj zaradki elektramabilaŭ
Apieratar Zaryadka zapuściŭ novuju łakacyju pa adrasie vulica Kazimiraŭskaja, 6. Tut pracujuć adrazu piać chutkich zaradnych stancyj, jakija dazvalajuć adnačasova absłuhoŭvać da dziesiaci aŭtamabilaŭ.
Fota: Zaryadka
Mahutnaść kožnaj stancyi składaje 160 kVt. Placoŭka padtrymlivaje roznyja typy elektramabilaŭ: jość raźjomy CCS i GBT, što robić zaradku dastupnaj dla roznych madelaŭ.
U kampanii adznačajuć, što kolkaść elektramabilaŭ u horadzie chutka raście, tamu infrastrukturu aktyŭna pašyrajuć i robiać zaradnyja punkty bolš mahutnymi i zručnymi.
Pavodle apošnich danych, u Biełarusi naličvajecca kala 54 tysiač elektramabilaŭ. Taksama paviedamlajecca, što častku lhot dla elektramabilaŭ i zaradnych stancyj padoŭžyli jašče na try hady.
Raniej sietka Zaryadka ŭžo adkryvała i inšyja niestandartnyja prajekty, u tym liku «zaradny dyskaŭntar» u pramzonie «Šabany».
Čytajcie taksama:
«Biełdžy» płanuje sioleta vypuścić 10 tysiač elektramabilaŭ i hibrydaŭ
U «Biełtechahladzie» raskazali, na što čaściej za ŭsio chvarejuć elektrakary
U top-10 najbujniejšych vytvorcaŭ elektramabilaŭ pałova kitajcy
U Biełaruś pryvieźli minijaciurnyja elektrakary, jakija kaštujuć mienš za 8500 dalaraŭ