U Biełaruś pryvieźli minijaciurnyja elektrakary, jakija kaštujuć mienš za 8500 dalaraŭ
Mikraelektrakar maje daŭžyniu ŭsiaho 3000 mm, a šyryniu — kala paŭtara mietra. Ale aŭtamabil raźličany na čatyroch čałaviek.
Aficyjny dyler FAW Bestune u Biełarusi «FiełOkt-servis» pryvioz abnoŭleny sicikar Bestune Xiaoma. U minułym hodzie kampanija ŭžo pradstaŭlała takija mašyny, pazicyjanujučy ich jak varyjant i dla zvyčajnych hramadzian, i dla šmatlikich słužbaŭ dastaŭki. Mikraelektrakar maje daŭžyniu ŭsiaho 3000 mm, a šyryniu — kala paŭtara mietra. Ale, niahledziačy na pamiery, aŭtamabil raźličany na čatyroch čałaviek, piša Office.life.
Pad kapotam — elektramator ad kampanii Shuanglin mahutnaściu 27 abo 41 k.s. u zaležnaści ad viersii. Maksimalnaja chutkaść — 100 km/h, a zapas chodu na adnoj zaradcy abiacajuć ad 170 da 222 km u zaležnaści ad jomistaści batarei. Važnaja asablivaść Xiaoma — mahčymaść zaradki ad standartnaj bytavoj razietki, a siaredni raschod enierhii składaje 8,8 kVt⋅h na 100 km, heta značyć kala 3,5 rubla na sotniu kiłamietraŭ.
Abmiežavanuju partyju niezvyčajnych elektramabilaŭ pradajuć za 23,9 tys. rubloŭ. Na mašynu praduhledžana zavodskaja harantyja na 2 hady abo 60 tys. km. U cełym ža takija elektrakary buduć kaštavać ad 25,9 tys. rubloŭ.
Kamientary