Cichanoŭskaja padziakavała Zialenskamu za papiaredžańni adnosna Biełarusi
Śviatłana Cichanoŭskaja ŭ sacsietcy X prakamientavała ŭčarašniuju zajavu prezidenta Ukrainy Uładzimira Zialenskaha pra patencyjnuju pahrozu z boku Rasii na biełaruskim kirunku.
Śviatłana Cichanoŭskaja. Fota: LookByMedia
«Rasija znoŭ sprabuje jašče hłybiej uciahnuć Biełaruś u svaju vajnu suprać Ukrainy. Ale Biełaruś — heta nie Łukašenka. Biełaruski narod nie choča hetaj vajny i nie choča, kab naša kraina stała płacdarmam dla novaj ahresii suprać Ukrainy abo Jeŭropy», — napisała Śviatłana Cichanoŭskaja.
Jana padziakavała ŭkrainskamu lidaru za toje, što jon havoryć pra hetyja pahrozy, i zaklikała abjadnacca, kab spynić sproby Rasii raspaŭsiudzić vajnu na ŭvieś rehijon.
«Dziakuj, spadar prezident Uładzimir Zialenski, za toje, što vy vyrazna i nastojliva havorycie pra hetyja pahrozy. My pavinny abjadnacca, kab spynić sproby Rasii raspaŭsiudzić vajnu pa ŭsim našym rehijonie», — padkreśliła lidarka biełaruskich demakratyčnych sił.
Čytajcie taksama:
Zialenski: Maskva sprabuje ŭciahnuć Minsk u vajnu suprać Ukrainy albo apieracyju suprać krainy NATA
Zialenski pakazaŭ vyniki ŭkrainskich «dalokabojnych sankcyj» za hety tydzień