USU: Ukrainska-biełaruskuju miažu pieratvaryli ŭ nieprystupnuju krepaść FOTY

Ukrainska-biełaruskuju miažu značna ŭmacavali i faktyčna pieratvaryli ŭ mahutnuju abarončuju liniju. Ukrainskija vajskoŭcy znachodziacca ŭ pastajannaj bajavoj hatoŭnaści i rychtujucca da mahčymych pahroz abo pravakacyj, piša «RBK-Ukraina» sa spasyłkaj na Apieratyŭnaje kamandavańnie «Zachad».

Na paŭnočnym kirunku ŭkraincami pabudavanyja kiłamietry palavych umacavańniaŭ, stvoranyja šmatlikija pazicyi dla techniki i ahniavych punktaŭ. Dadatkova abaronu ŭzmacniajuć minnyja pali, ravy i inšyja zaharody. Naturalnyja ŭmovy — lasy, bałoty i reki — taksama robiać hetuju terytoryju ciažkadastupnaj.

Pamiežnyja padraździaleńni i vajskoŭcy, jak śćviardžajecca, kantralujuć situacyju i hatovy chutka reahavać na lubyja dziejańni z boku praciŭnika.

Ukrainski bok ličyć, što, niahledziačy na ciapierašniuju adnosnuju cišyniu na supolnaj miažy, Biełaruś zastajecca sajuźnikam Rasii i moža vykarystoŭvacca jak płacdarm dla mahčymych vajennych dziejańniaŭ. Na biełaruskaj terytoryi nazirajecca raźvićcio vajskovaj łahistyki, jakaja moža być zadziejničanaja ŭ budučyni.

Ukrainskaje kiraŭnictva rehularna adznačaje, što Rasija sprabuje ŭciahnuć Biełaruś u vajnu i razhladaje mahčymaść novych apieracyj ź jaje terytoryi.

Kamientary da artykuła