U Minsku na stancyi mietro pamierła žančyna
U minskim mietro pamierła žančyna, paviedamiła ahienctva «Minsk-Naviny». Pra heta stała viadoma 16 maja.
Zdymak ilustracyjny. Fota: Lookby.media
Spačatku ŭ siecivie źjaviłasia videa sa stancyi mietro «Jubilejnaja płošča», jak miedyki akazvajuć ekstrannuju dapamohu pasažyrcy.
Paźniej vyśvietliłasia, što 79‑hadovaj pasažyrcy mietro raptam stała drenna. Vidavočcy hetaha vyklikali chutkuju dapamohu.
«Daktary praviali kompleks reanimacyjnych mierapryjemstvaŭ, ale vyratavać žančynu nie ŭdałosia», — raskazali va Upraŭleńni Śledčaha kamiteta pa horadzie Minsku.
Śledčyja vyśviatlajuć akaličnaści zdareńnia. Užo ŭstanoŭlena, što śmierć piensijanierki nie nosić kryminalnaha charaktaru. Pravodzicca pravierka, pryznačana sudova-miedycynskaja ekśpiertyza.
Čytajcie taksama:
U minskim mietro siońnia pamior 60‑hadovy mužčyna
U Krupskim rajonie treci tydzień šukajuć źnikłuju žančynu. Pošuki vyjšli na masavy ŭzrovień