Siłaviki stvaryli ŭ sacsietkach akaŭnt ad imia pamierłaj babuli dobraachvotnika, jaki zmahajecca za Ukrainu

Arciom Markin — biełaruski anarchist, jaki ciapier zmahajecca za Ukrainu. Niadaŭna jon zavioŭ akaŭnt u Threads, u jakim raspaviadaje pra siabie i adkazvaje na pytańni.

Pieršy ž dopis Arcioma staŭ virusnym: za sutki jon nabraŭ bolš za 76 tysiač prahladaŭ i kala 10 tysiač łajkaŭ. U asnoŭnym ukraincy dziakujuć biełarusu za toje, što jon robić.

Pavialičyć

Ale ž jość i advarotny bok miedala. Akaŭnt pabačyli biełaruskija siłaviki i, kab maralna cisnuć na vajara, stvaryli akaŭnt jaho pamierłaj babuli.

Tut treba adznačyć, što maci Arcioma pamierła, kali chłopcu było ŭsiaho 9 hadoŭ — raściła jaho babula. Žančynie było niaprosta, bo na sabie jana ciahnuła i muža-rasijanina, a toj akramia pjanki ničoha nie viedaŭ. Jašče ŭ dziacinstvie babula kazała ŭnuku: «Maskali tolki i ŭmiejuć, što ŭ pjanku dy ŭ vajnu».

Kali pačałasia vajna va Ukrainie, žančyna, jakoj było ŭžo 87 hadoŭ, kazała: «Maskali nie tudy paleźli, Ukrainu im nikoli nie pieramahčy».

Sam ža Arciom byŭ vymušany pakinuć radzimu paśla vybaraŭ 2020 hoda. Viarnucca ŭ Biełaruś chłopiec nie moh navat na pachavańnie lubimaj babuli.

A voś ciapier biełaruskija siłaviki stvaryli ŭ instahramie akaŭnt ź imiem Ema Andrejeŭna i fotazdymkam pamierłaj žančyny — heta nadmahilnaje fota. Daviedaŭsia pra heta vajar tady, kali akaŭnt pasprabavaŭ padpisacca na jaho staronku.

Pavialičyć

Arciom tłumačyć, što stvaryli akaŭnt dziela taho, kab abmierkavać los kvatery ŭ Minsku, jakuju jon pavinien byŭ atrymać u spadčynu.

Arciom Markin — biełaruski anarchist. U 2017 hodzie jaho zatrymlivali ŭ Minsku za ŭdzieł u «Maršy niedarmajedaŭ». U 2018 hodzie Arcioma zatrymlivała FSB u Rasii na navukovaj kanfierencyi «Pramuchinskija čytańni», tady ž pryznali pahrozaj nacyjanalnaj biaśpiecy Rasii.

U 2021 hodzie jon źjechaŭ ź Biełarusi praz palityčny pieraśled. Spačatku byŭ u Hruzii, potym palacieŭ va Ukrainu, dzie płanavaŭ lehalizavacca. Ale ŭ aeraporcie «Žulany» ŭźnikli prablemy: pamiežniki dali papieru z zabaronaj na ŭjezd u krainu. Kiejsam Arcioma zajmalisia pravaabaroncy.

Ciapier jon vajuje za Ukrainu — užo dva hady kiruje bieśpiłotnymi latalnymi aparatami.

Pavialičyć

U kamientarach Arciom tłumačyć, čamu pajšoŭ zmahacca: «Kali vielmi koratka i ščyra: vostraje pačućcio niespraviadlivaści i žadańnie znajści novyja sensy, niejak vyleźci z depresii, jakaja pahłynuła mianie paśla ŭciokaŭ z Radzimy. Rab svajoj svabody — heta nie prosta tak napisana».

• 6
• 0
• 0
• 0
• 0
• 0
• 6
• 3