Adzinoki dom u rapsavym poli pad Hrodnam staŭ zorkaj sacsietak
U Mastoŭskim rajonie zvyčajny dom siarod kvitniejučaha rapsu sabraŭ tysiačy prahladaŭ i zachapleńniaŭ u kamientaryjach. Karystalniki sieciva prapanujuć zrabić zdymak vokładkaj dla Windows.
«Nierealnaj pryhažości fota», «Novaja zastaŭka Vindaŭs», «Na vokładku!» — pišuć u zachapleńni padpisčyki.
«Mara intravierta», — žartujuć kamientatary.
Ludzi hadajuć, chto ŭłaśnik doma, miarkujuć, što haspadar u doma dakładna jość, inakš by jaho źnieśli: «Moža, vykarystoŭvajuć jak pryvał dla kambajnieraŭ».
Aŭtar fota Aleksandr ź nikam zigan2001 napisaŭ, što pasprabuje «telepartavacca pa rapsie i, nie parušyŭšy zakon, pakazać jaho zblizku i, pa mahčymaści, znutry».