Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
U «treniroŭcy», jak heta nazvała Minabarony Biełarusi, udzielničajuć rakietnyja vojski i avijacyja.
Siońnia pad kiraŭnictvam načalnika Hienštaba Biełarusi pačałasia treniroŭka vajskovymi čaściami bajavoha prymianieńnia jadziernaj zbroi i jadziernaha zabieśpiačeńnia, paviedamiła Minabarony.
Meta treniroŭki — udaskanaleńnie ŭzroŭniu padrychtoŭki asabovaha składu, pravierka hatoŭnaści da vykanańnia zadač i arhanizacyja bajavoha prymianieńnia ź niapłanavych rajonaŭ.
Zhodna ź Minabarony, u chodzie treniroŭki va ŭzajemadziejańni z rasijskim bokam płanujecca adpracavać pytańni dastaŭki jadziernych bojeprypasaŭ i padrychtoŭki ich da prymianieńnia.
Paviedamlajecca, što hałoŭnaj asablivaściu mierapryjemstva stanie pravierka hatoŭnaści da vykanańnia zadač bajavoha prymianieńnia ź niepadrychtavanych rajonaŭ na ŭsioj terytoryi krainy. Asnoŭny ŭpor budzie zrobleny na adpracoŭku pytańniaŭ skrytnaści, pieramiaščeńnia na značnyja adlehłaści, praviadzieńnia raźlikaŭ dla prymianieńnia sił i srodkaŭ.
Zaznačajecca, što treniroŭka źjaŭlajecca płanavym mierapryjemstvam padrychtoŭki ŭ ramkach Sajuznaj dziaržavy, nie nakiravana suprać trecich krain i, pavodle zajavy Minabarony, nie niasie pahrozy biaśpiecy ŭ rehijonie.
U vypadku naniasieńnia jadziernaha ŭdaru ź biełaruskaj terytoryi pa joj ža budzie naniesieny jadzierny adkaz. Heta moža pryvieści da poŭnaha źniščeńnia našaj krainy.
Były palitviazień Mikałaj Statkievič, eks-kandydat u prezidenty, a da taho — vajskoviec-rakietčyk, bačyć prykmiety taho, što Rasija maje namier vykarystać terytoryju Biełarusi dla jadziernaha ŭdaru pa Jeŭropie. Jon apublikavaŭ artykuł, u jakim papiaredžvaje: Rasija maje płan nanieści abmiežavany jadzierny ŭdar ź biełaruskaj terytoryi, raźličvajučy, što i ŭdar u adkaz abmiažujecca Biełaruśsiu. Statkievič ličyć taki scenar katastrafičnym dla našaj krainy.
Čytajcie taksama: Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ30
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary