Na MKAD mašyna taksi źbiła kazulu

Incydent adbyŭsia nočču 18 maja. 47‑hadovy kiroŭca taksi jechaŭ pa źniešnim kolcy MKAD, kali raptoŭna na darohu vybiehła kazula. Mužčyna nie paśpieŭ zreahavać i paźbiehnuć sutyknieńnia.

Fota: UDAI HUUS Minharvykankama

U vyniku aŭtamabil atrymaŭ miechaničnyja paškodžańni, ale ludzi ŭ im nie paciarpieli. Što da žyvioliny, to jana zahinuła.

U DAI adznačajuć, što navat u miežach horada isnuje ryzyka sustrečy ź dzikimi žyviołami, asabliva ŭnačy. Kiroŭcam rajać u takich situacyjach źnižać chutkaść až da poŭnaha spynieńnia i ŭklučać avaryjnyja ahni, kab papiaredzić inšych.

Taksama nie rekamiendujecca sihnalić, bo heta moža napałochać žyviołu i zrabić jaje pavodziny niepradkazalnymi.

Kamientary da artykuła