Apovieści Vasila Bykava pieravydaduć na vjetnamskaj movie
Novaje vydańnie apovieściaŭ Vasila Bykava ŭ najbližejšy čas ubačyć śviet u Vjetnamie. Pad adnoj vokładkaj da čytača pryjduć dźvie apovieści kłasika biełaruskaj litaratury — «Alpijskaja bałada» i «Dažyć da śvitańnia». Heta druhoje vjetnamskaje vydańnie zbornika.
Fota: Hộp sách
Novy tvorčy prajekt užo anansavała pasolstva Respubliki Biełaruś u Sacyjalistyčnaj Respublicy Vjetnam.
Upieršyniu hetaja kniha była vydadziena ŭ Chanoi ŭ 1983 hodzie. Tahačasny nakład jaje skłaŭ 10 tysiač 200 asobnikaŭ.
Miarkujecca, što kniha vyjdzie ŭ mai — červieni — akurat napiaredadni dnia naradžeńnia Vasila Uładzimiraviča Bykava. 19 červienia 2026 hoda piśmieńniku spoŭniłasia b 102 hady.
Čytajcie taksama:
U Koŭnie projdzie prezientacyja knihi pra biełarusaŭ u Litvie
Vyjšaŭ novy pierakład «Času second-hand» Aleksijevič