U vydaviectvie «Pflaŭmbaŭm» vyšaŭ novy pierakład knihi «Čas second-hand» Śviatłany Aleksijevič. Zaviaršalnuju knihu znakamitaha cykła «Hałasy Utopii» pierakłała Kaciaryna Macijeŭskaja, piša bellit.info.
Mastacka-dakumientalnaja historyja «Čas second-hand» była ŭpieršyniu vydadzienaja ŭ 2013 hodzie, adnak i tady, i — navat vyraźniej — siońnia my bačym, što časy «čyrvonaha čałavieka» nie skončylisia razam z savieckim kamunistyčnym prajektam. Ciapier «čyrvony čałaviek» bambić Kijeŭ, Charkaŭ, Dniepr, Adesu…
«U kamunizmu byŭ varjacki płan, — raskazvaje aŭtarka, — pierarabić «daŭniaha» čałavieka, sastarełaha Adama. I heta ŭdałosia… mahčyma, adzinaje, što ŭdałosia. Za siemdziesiat ź liškam hadoŭ u łabaratoryi marksizmu-leninizmu vyvieli asablivy čałaviečy typ — homo soveticus. Adny ličać, što heta piersanaž trahičny, inšyja nazyvajuć jaho «saŭkom». Mnie zdajecca, ja viedaju hetaha čałavieka, jon dobra mnie znajomy, ja pobač ź im, plačo ŭ plačo, pražyła šmat hadoŭ. Jon — heta ja. Heta maje znajomyja, baćki, siabry».
Knihu možna budzie nieŭzabavie nabyć Knihauka.com ci Knygynas.biz a taksama ŭ šerahu inšych miescaŭ (hł. śpis ad vydaviectva «Pflaŭmbaŭm»).
Deputatka, jakaja rychtuje pryhažuń dla Łukašenki, vyjšła zamuž23
Kamientary