Pad Hrodnam fatohrafu ŭdałosia źniać lutuju bojku dvuch babroŭ VIDEA

Pad Hrodnam u pryvatnym siektary źjavilisia ahresiŭnyja babry, jakija navat pabilisia pamiž saboj. Vidavočcam hetaj niezvyčajnaj sutyčki staŭ fatohraf-entuzijast Alaksandr Marozik, paviedamlaje teleradyjokampanija «Hrodna».

Skrynšot ź videa

Alaksandru Maroziku paščaściła pabačyć redkuju dla starońniaha voka situacyju, kali dva vialikija babry zładzili ŭ vadzie mocnuju bojku: navokał lacieła hraź, stajaŭ šum, vada raźlatałasia va ŭsie baki.

Žyvioły byli nastolki zachoplenyja vyśviatleńniem adnosin, što niejki čas nie źviartali ŭvahi na čałavieka. Adnak jak tolki jany zaŭvažyli fatohrafa, adrazu raźbiehlisia ŭ roznyja baki — takim čynam jon nibyta ich i raźniaŭ.

Na dumku Alaksandra, heta byli nie šlubnyja razborki, bo pieryjad razmnažeńnia ŭ babroŭ užo skončyŭsia. Chutčej za ŭsio, jany zmahalisia za terytoryju, jakuju hetyja žyvioły vielmi pilna achoŭvajuć i mohuć žorstka abaraniać ad čužyncaŭ.

Dakładnaje miesca Alaksandr nie raskryvaje, kab tudy nie pačali masava prychodzić ludzi. Jon taksama papiaredžvaje, što nabližacca da babroŭ niebiaśpiečna, bo jany mohuć surjozna paranić, kali paličać, što niechta parušaje ich miežy.

Kamientary da artykuła