Žyvioły pa načach robiać vyłazki na prysiadzibnyja ŭčastki i łasujucca tam drevami, paviedamlaje news.by.
Asabliva našeście babroŭ zakranuła žycharoŭ pasiołka Haradzišča na race Mienka. Žyvioły hryzuć pładovyja drevy, a jašče dekaratyŭnyja tui, chvoi i jełki na prysiadzibnych učastkach.
Miascovyja žychary bjuć tryvohu. Adzin ź ich raspaviadaje, što padobnyja našeści adbyvajucca prykładna raz na čatyry hady. Ale sioleta straty ad hryzunoŭ asabliva adčuvalnyja.
«Adzinaja naša abarona — sietka: i zručna, i praktyčna, i adnosna niadoraha», — patłumačyŭ jon.
Da vyrašeńnia prablemy padklučyli i pryrodaachovu. Śpiecyjalisty ŭstaloŭvajuć pastki. Kali žyvioła traplajecca žyvoj, jaje vypuskajuć u inšaje vadaschovišča.
Čaściej babry stali sustrakacca i ŭ stalicy. Kab abaranić drevy na bierahach Śvisłačy, supracoŭniki pradpryjemstva «Zielanbud» taksama aharodžvajuć stvały śpiecyjalnaj sietkaj-rabicaj.
Pastajanna davodzicca kantralavać akvatoryi ŭ Leninskim i Centralnym rajonach, kab być u kursie kolkaści hetych žyvioł.
Usiaho pa krainie zafiksavana bolš za 55 tysiač babroŭ. Hety pakazčyk u razy vyšejšy, čym 10 hadoŭ tamu.
«Babior ciapier maksimalna asvoiŭ usiu terytoryju, prydatnuju dla pražyvańnia, i dla dalejšaha raśsialeńnia ŭžo vykarystoŭvaje nasielenyja punkty. Heta niezvyčajnyja dla jaho miescy pražyvańnia», — prakamientavaŭ situacyju staršy navukovy supracoŭnik Centra pa bijaresursach NAN Biełarusi Pavieł Vielihuraŭ.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ7
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary