Va Ukrainie telefonnyja machlary abduryli na bujnuju sumu byłoha premjera
U Kijevie machlary zmahli vymanić amal 7 miljonaŭ hryŭniaŭ (kala 158,5 tysiač dalaraŭ) u byłoha premjer-ministra Ukrainy. Pavodle krynic «Ukrainskaj praŭdy», havorka idzie pra Valeryja Pustavojcienku, jaki ŭznačalvaŭ urad u kancy 1990‑ch i paźniej byŭ daradcam Viktara Janukoviča.
Valeryj Pustavojcienka
Złamyśniki pradstavilisia supracoŭnikami SBU i palicyi. Jany dasłali 79‑hadovamu mužčynu padroblenyja pozvy i zajavili, što suprać jaho nibyta raspačali spravu za «zakupku «šachiedaŭ» dla Rasii».
Pad mocnym psichałahičnym ciskam jon pahadziŭsia na «virtualny vobšuk» i pakazaŭ svaje źbieražeńni. Paśla hetaha, pavodle ŭkazańniaŭ machlaroŭ, jon skłaŭ hrošy ŭ pakiet i pieradaŭ ich kala svajho doma nibyta dla pravierki.
U vyniku jon straciŭ bolš za 110 tysiač dalaraŭ, 10,2 tysiačy jeŭra, a taksama aščadžeńni ŭ izrailskich šekielach, anhlijskich funtach sterlinhaŭ i češskich kronach.
Padazravanych zatrymali i ŭziali pad vartu, a ŭkrainskija pravaachoŭniki šukajuć inšych udzielnikaŭ hetaj schiemy.
Čytajcie taksama:
Machlary prymusili žančynu zdymać na videa svoj abutak
Machlary rassyłajuć fišynhavyja spasyłki ad imia DAI pra nieapłačanyja štrafy
U Minsku zatrymali arhanizatara finansavaj piramidy, jaki za dva hady ŭźbiŭsia na 750 tysiač dalaraŭ
U Biełarusi źjaviłasia darožnaja palicyja. Praŭda, pakul tolki ŭ machlarskich schiemach
Machlary prydumali novuju salidnuju arhanizacyju, ad imia jakoj mohuć telefanavać