Minskija apieratyŭniki zatrymali dvuch zamiežnikaŭ, jakija pracavali kurjerami ašukancaŭ, paviedamlaje staličnaja milicyja. Kali aficyjnyja struktury pišuć pra «zamiežnikaŭ» u kryminalnym kantekście, havorka zvyčajna idzie pra rasijan.
Adzin ź ich, 18‑hadovy chłopiec, zabraŭ hrošy ŭ 67‑hadovaj piensijanierki. Žančynu padmanuli pa schiemie zamieny ličylnikaŭ, a paśla napałochali kryminalnaj adkaznaściu za zdradu dziaržavie. Spačatku jana pakinuła ŭ schovancy 10 tysiač dalaraŭ, a potym pieradała kurjeru jašče 42 tysiačy dalaraŭ, jakija naležali jaje synu.
Zatym, kab paciahnuć čas, ašukancy prymusili piensijanierku źniać na videa svaju kvateru, pavierchi ŭ padjeździe i abutak, jaki stajaŭ kala dźviarej.
Pakul žančyna vykonvała hetaje zadańnie, 18‑hadovy kurjer pakinuŭ jaje hrošy ŭ tajniku. Adtul ich zabraŭ inšy inšaziemiec. 20‑hadovaha mužčynu zatrymali na miescy złačynstva, hrošy kanfiskavali i viernuć padmanutaj piensijaniercy.
Fihurant pryznaŭsia, što paśpieŭ vykanać šeść zadańniaŭ telefonnych ašukancaŭ. Jon pierakładaŭ hrošy z adnaho tajnika ŭ inšy, kab zamieści ślady.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar19
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku33
Kamientary
Jakaja "zdrada dziaržavy"? Jakija hrošy, kali "zdrada"? Chabar?
I jaki "kurjer" banka? Alo!!!