MZS i prezident Łatvii nazvali chłuśnioj zajavu rasijskaj raźviedki pra padrychtoŭku ŭdaraŭ pa Rasii z terytoryi Łatvii
«Rasija znoŭ chłusić», —zajaviła kiraŭnik MZS Łatvii Bajba Braže.
Bajba Braže. Fota: Kyrylo Chubotin / Ukrinform/Future Publishing via Getty Images
MZS Łatvii nazvała chłuśnioj zajavu rasijskaj raźviedki pra padrychtoŭku ŭdaraŭ pa Rasii z terytoryi Łatvii
«Rasija znoŭ chłusić. Na hety raz Słužba źniešniaj raźviedki Rasii pravodzić kampaniju dezynfarmacyi suprać Łatvii. FAKT: Łatvija NIE pradastaŭlaje svaju pavietranuju prastoru dla atak na Rasiju. Heta nieadnarazova tłumačyłasia rasijskim pradstaŭnikam», — napisała kiraŭnik MZS Łatvii Bajba Braže ŭ X.
Prezident Łatvii taksama nazvaŭ «chłuśnioj» zajavu SZR.
Jak zajaviŭ Edhar Rynkievič, Rasija «chłusić, śćviardžajučy, što Łatvija dazvalaje jakoj-niebudź krainie vykarystoŭvać svaju pavietranuju prastoru i terytoryju dla naniasieńnia ŭdaraŭ pa Rasii abo luboj inšaj dziaržavie».
Siońnia Słužba źniešniaj raźviedki Rasii zajaviła, što kamandavańnie Uzbrojenych sił Ukrainy nibyta rychtuje sieryju novych «udaraŭ pa tyłavych rehijonach RF», a Łatvija dała zhodu na zapusk bieśpiłotnikaŭ sa svajoj terytoryi.