Rasijskaja raźviedka śćviardžaje, što Ukraina rychtuje ŭdary pa Rasii z terytoryi Łatvii. Maskva rychtuje pravakacyi, jakich jašče nie byvała?
U zajavie Słužby zamiežnaj raźviedki Rasii pieraličvajucca piać łatvijskich vajskovych baz.
Kijeŭ płanuje zapuskać bieśpiłotniki pa tyłavych rasijskich rehijonach z terytoryi krain Bałtyi, zajaviła Słužba źniešniaj raźviedki Rasii.
U pryvatnaści, SZR śćviardžaje, što ŭkrainskija ŭłady nibyta pierakanali Łatviju dać zhodu na praviadzieńnie apieracyi suprać Rasii, a ŭ Łatviju ŭžo nakiravany vajskoŭcy Sił bieśpiłotnych sistem Uzbrojenych sił Ukrainy.
U zajavie SZR pieraličvajucca piać łatvijskich vajskovych baz, na jakich, pavodle jaje źviestak, raźmieščany ŭkrainskija vajskoŭcy: «Adažy», «Sielija», «Lijełvarde», «Daŭhaŭpiłs» i «Jekabpiłs».
U zajavie rasijskaj raźviedki taksama źmiaščajecca pahroza «spraviadlivaj adpłaty», ad jakoj, jak śćviardžajecca, «členstva krainy ŭ NATO nie abaronić».
Ułady Łatvii pakul nie kamientavali zajavu SZR.
U svaju čarhu, daradca prezidenta Litvy pa pytańniach nacyjanalnaj biaśpieki Dejvidas Matulonis papiaredziŭ, što suprać krainy mahčymyja vielmi surjoznyja pravakacyi.
Sami abvinavačańni daradca nazvaŭ absurdnymi.
«Heta absurd, i ŭ takoj abstanoŭcy suprać nas mahčymyja vielmi surjoznyja pravakacyi», — zajaviŭ Dejvidas Matulonis u aŭtorak u efiry Žinių radijas.
Jon padkreśliŭ, što havorka idzie nie tolki pra prapahandu ŭ rasijskaj publičnaj prastory, ale i pra dziejnaść śpiecsłužbaŭ krainy.
«Ja nie chacieŭ by ŭdavacca ŭ detali, pakolki heta niepubličnaja infarmacyja, ale situacyja istotna abvastryłasia. Pavodle našaj acenki, heta byli nie tolki pytańni rasijskaj prapahandy. Usio išło značna hłybiej — z boku adpaviednych rasijskich struktur», — skazaŭ daradca prezidenta.
-
U Efiopii paśla niekalkich hadoŭ pierapynku znoŭ razharajecca poŭnamaštabnaja hramadzianskaja vajna. Moža destabilizavacca i ŭvieś rehijon
-
Šviejcarskija ledaviki rastajuć, za minuły hod stračanaja rekordnaja kolkaść lodu. Čym heta pahražaje?
-
Ukrainca pakarali ŭmoŭnym terminam za pieradaču Biełarusi prahramy dla vajskovaha avijacyjnaha trenažora
Ciapier čytajuć
Usich studentak biełaruskich VNU abaviazali terminova zapoŭnić ankietu z paznačeńniem svajho rostu52
Kamientary
Čieriez čas užie novosti pod zahołovkom:
«nahłaja provokacija finlandskoj vojenŝiny»...
I hd. Ŭsie heta ŭžo prachodzili.
Rusijaki ŭsie svaje vojny pravodzili na Ukrainskaj i biełaruskaj ziemlach.