Bolš za 30 dziaciej za tydzień atrymali traŭmy paśla katańnia na samakatach
U Respublikanski centr dziciačaj niejrachirurhii z traŭmami paśla katańnia na elektrasamakatach źviarnulisia za tydzień bolš za 30 pacyjentaŭ. Pra heta paviedamiŭ kiraŭnik centra, hałoŭny pazaštatny śpiecyjalist dziciačaj niejrachirurhii Ministerstva achovy zdaroŭja Michaił Tałabajeŭ.
Zdymak ilustracyjny. Fota: «Naša Niva»
«Za minuły tydzień da nas źviarnulisia bolš za 30 dziaciej, ź ich 11 byli špitalizavanyja z dastatkova surjoznymi traŭmami: troje ŭ reanimacyi, dvoje praapieravanyja. I heta ŭsiaho tolki tydniovy vynik», — zajaviŭ pradstaŭnik Ministerstva achovy zdaroŭja.
Pavodle jaho słoŭ, bolšaść z hetych pacyjentaŭ — albo tyja, chto sam kataŭsia na elektrasamakatach, albo źbityja darosłymi. To-bok darosłyja časam vystupajuć udzielnikami hetych padziej.
Michaił Tałabajeŭ źviarnuŭ uvahu, što charakternyja dla letniaha pieryjadu traŭmy, atrymanyja pry katańni, u pieršuju čarhu na elektrasamakatach i rovarach, a taksama monakołach, adnosiacca da vysokaenierhietyčnych. Jany mohuć supravadžacca ciažkimi nastupstvami jak dla zdaroŭja, tak i dla žyćcia.
Čytajcie taksama:
U Vienhryi zajac skoknuŭ samakatčyku ŭ tvar i źbiŭ jaho na ziamlu
U Minsku pačali pracavać kamiery dla kantrolu chutkaści elektrasamakataŭ
U Minsku piensijanier ukraŭ kala kramy dziciačy samakat
U Minsku dźvie dziaŭčynki trapili pad mašynu, jedučy udvoch na adnym samakacie