U Biełarusi płanujuć źbirać indyjskija traktary

U Breście płanujuć arhanizavać sumiesnuju vytvorčaść traktaroŭ razam z bujnym indyjskim vytvorcam Solis, paviedamlaje telehram-kanał Bresckaha abłvykankama.

Zdymak ilustracyjny. Fota: agriland.ie

Paviedamlajecca, što pieramovy pra heta prajšli na pradpryjemstvie «HłobałMaš Industryja», jakoje niadaŭna stała rezidentam svabodnaj ekanamičnaj zony «Brest». Baki abmiarkoŭvali mahčymaść zborki traktaroŭ hetaha brenda na miascovych mahutnaściach, a taksama vytvorčaść naviasnoha abstalavańnia dla ich.

Brend Solis naležyć indyjskaj kampanii International Tractors Limited, zasnavanaj u 1995 hodzie. Siońnia heta adzin z najbujniejšych vytvorcaŭ traktaroŭ u Indyi i kampanija, jakaja chutka raźvivajecca.

Pa danych kampanii, jaje pradukcyjaj karystajucca bolš za 1,8 miljona klijentaŭ va ŭsim śviecie, a štohod vypuskajecca kala 300 tysiač traktaroŭ mahutnaściu ad 16 da 125 konskich sił.

Kamientary da artykuła