Ministerstva pracy i sacyjalnaj abarony paviedamiła pra karektavańnie pieraliku zabaronienych dla padletkaŭ rabot. Zhodna z pastanovaj №19 ad 9 krasavika 2026 hoda, sa śpisu zabaronienych rabot vyklučyli prafiesiju «traktaryst-mašynist sielskahaspadarčaj vytvorčaści».
Heta rašeńnie pryniali tamu, što art. 25 zakona «Ab darožnym ruchu» dazvalaje z 17 hadoŭ atrymlivać prava kiravańnia kołavym traktaram i samachodnaj mašynaj katehoryj A, B, C, F.
«Na praktycy ŭźnikła situacyja, kali vypuskniki praftechvučyliščaŭ, jakija nie dasiahnuli vasiamnaccaci hadoŭ, užo majuć paśviedčańnie traktarysta-mašynista, ale nie mohuć pracavać pa śpiecyjalnaści. Kab likvidavać hetuju supiarečnaść i pašyryć mahčymaści pracaŭładkavańnia padletkaŭ, zabarona źniataja», — patłumačyli ŭ ministerstvie.
Akramia taho, dla troch prafiesij pavysili minimalny razrad vykanańnia rabot, ź jakoha zabaroniena praca niepaŭnaletnich — z druhoha na treci. Heta zakranie prafiesii brašuroŭščyka, pieraplotčyka, ślesara pa ramoncie sielskahaspadarčych mašyn i abstalavańnia.
«Pavyšeńnie razradu źviazana z tym, što pry vykanańni rabot pa druhim razradzie pa hetych prafiesijach adsutničajuć faktary pavyšanaj niebiaśpieki, naprykład, adkrytyja elemienty, jakija ruchajucca ci kruciacca, pieravyšeńnie normaŭ pa pieramiaščeńni i padjomie ciažaraŭ uručnuju. A voś pry vykanańni rabot pa trecim razradzie i vyšej takija faktary prysutničajuć», — adznačyli ŭ viedamstvie.
Asnoŭnyja pałažeńni pastanovy nabyvajuć moc z 26 krasavika.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
a patamu šta
usie my niemnožečka iz dzieravieńki
- nu kak tiebie skazať? - hovoriu. - vo-piervych. moi ludi nikohda nie pokidali svoju Rodinu.