U minskim mietro nazvali piać najbolš zahružanych stancyj

Lidarstva ŭ statystycy za 2025 hod tradycyjna zachavała stancyja «Kamiennaja Horka» — jaje za hod naviedali bolš za 19,1 miljona čałaviek, što ŭ siarednim składaje zvyš 52 tysiač pasažyraŭ za sutki.

Uvachod na stancyju mietro «Kamiennaja Horka». Fota: Minsk-Metro.net 

Na druhim miescy raźmiaściłasia stancyja «Uručča» z bolš jak 16,1 miljona pasažyraŭ (kala 44 tysiač štodnia).

Treciaje miesca zaniała «Płošča Lenina» — kala 15,4 miljona čałaviek za hod (prykładna 42 tysiačy za sutki).

Čaćviortaje i piataje miescy padzialili stancyi «Płošča Jakuba Kołasa» i «Mahiloŭskaja» — kožnuju ź ich za hod naviedali bolš za 12,5 miljona pasažyraŭ, a siaredni štodzionny patok pieravyšaŭ 34 tysiačy čałaviek.

Kamientary da artykuła