U ZŠA mužčyna zahinuŭ u mietro paśla taho, jak jaho zaciahnuła ŭ eskałatar. Bolš za 20 chvilin jamu nichto nie dapamahaŭ
40‑hadovy amierykaniec Styvien Makkłaski zahinuŭ paśla trahičnaha vypadku na eskałatary ŭ mietro ŭ horadzie Somiervił (štat Masačusiets). Incydent adbyŭsia 27 lutaha na stancyi Davis, kali jon spuskaŭsia da płatformy, piša People.com.
Pavodle videazapisu, ranicaj kala 5‑j hadziny mužčyna spuskaŭsia na eskałatary, spatyknuŭsia i ŭpaŭ. U vyniku jaho zacisnuła ŭnizie eskałatara, i jon zastavaŭsia tam niekalki chvilin.
Ludzi, jakija prachodzili pobač, u asnoŭnym nie dapamahali — mnohija prosta abychodzili jaho dy išli schodami. Tolki praz 22 chviliny supracoŭnik transpartnaj słužby spyniŭ eskałatar i akazaŭ dapamohu.
Vyśvietliłasia, što adzieńnie mužčyny zaciahnuła ŭ miechanizm, što pryviało da pieraciskańnia horła i pierakryćcia dychańnia. Kali na miesca prybyli ratavalniki, u jaho ŭžo nie było pulsu. Kab vyzvalić čałavieka, spatrebiłasia jašče kala paŭhadziny, paśla čaho jaho dastavili ŭ balnicu. Praź dziesiać dzion jon pamior.
Pradstaŭniki transpartnaj arhanizacyi adznačyli, što heta byŭ trahičny vypadak, i nahadali, što ŭ ekstrannaj situacyi kožny moža spynić eskałatar, nacisnuŭšy čyrvonuju knopku STOP, i adrazu vyklikać słužbu 911.
Svajaki zahinułaha ŭspaminajuć jaho jak čałavieka, jaki lubiŭ majstravać i vielmi lubiŭ svaich dziaciej. Jany nie razumiejuć, čamu ŭ ludnym miescy nichto svoječasova jamu nie dapamoh. Maci zahinułaha zadajecca pytańniem, dzie była achova i jak mahło zdarycca, što nichto nie źviarnuŭ uvahi na čałavieka ŭ biadzie.
Starejšaha syna zasnavalnika suśvietna viadomaha brenda Mango zatrymali pa padazreńni ŭ zabojstvie baćki-miljardera
U Turcyi mužčyna adkryŭ ahoń pa naviedvalnikach restarana
U Haazie pamior zasnavalnik ruandyjskaha «Radyjo tysiačy pahorkaŭ»
Znajšli cieły italjanskich dajvieraŭ, jakija źnikli na Maldyvach
Ciapier čytajuć
Byłoha biełaruskaha palitviaźnia sudziać u Litvie za padrychtoŭku da zabojstva praciŭnikaŭ Kramla. Pahražaje až da pažyćciovaha8
Kamientary