U Polščy hruzina aryštavali pa padazreńni ŭ seksualnym hvałcie nad biełaruskaj
30‑hadovaha hramadzianina Hruzii aryštavali ŭ Polščy pa padazreńni ŭ hvałcie nad 31‑hadovaj biełaruskaj. Jon nie pryznaŭ siabie vinavatym. Pra spravu raskazali ŭ rajonnaj prakuratury Kiempna, piša Most.
Zdymak ilustracyjny. Fota: «Naša Niva»
Złačynstva, achviaraj jakoha była hramadzianka Biełarusi, adbyłosia 10 maja 2026 hoda na terytoryi adnaho z nasielenych punktaŭ Kiempnienskaha pavieta Vielkapolskaha vajavodstva. Prakuratura nie apisvaje, što kankretna zdaryłasia z žančynaj, ale, pavodle danych resursu Głos Wielkopolski, havorka idzie pra złačynstva suprać seksualnaj svabody.
Padazravanaha aznajomili z sabranymi na hety momant dokazami, ale jon nie pryznaŭ siabie vinavatym. I daŭ tłumačeńni, jakija śledstvu jašče treba budzie pravieryć.
Kali vina mužčyny ŭ inkryminavanym jamu dziejańni paćvierdzicca, jamu pahražaje pazbaŭleńnie voli na termin ad 2 da 15 hadoŭ. Pakul sud užyŭ da jaho mieru strymańnia ŭ vyhladzie časovaha aryštu terminam na try miesiacy, da 8 žniŭnia 2026 hoda.
Čytajcie taksama:
Chto toj zamiežnik, jaki zabiŭ žonku i zhvałtavaŭ padčarku ŭ Dobrušy
Zatrymali padazravanaha ŭ zhvałtavańni, ździejśnienym u 2013 hodzie