MZS prakamientavała ahniastrelnaje ranieńnie biełaruskaha hramadzianina ŭ Polščy
MZS Biełarusi zrabiła zajavu ŭ suviazi z tym, što ŭ Polščy byŭ paranieny ahniastrelnaj zbrojaj hramadzianin Biełarusi. Paviedamleńnie pra hety incydent u publičnaj prastory źjaviłasia 18 maja, ale adbyŭsia jon amal za tydzień da taho.
Fota: UUS Hrodzienskaha abłvykankama
Pavodle paviedamleńnia pres-sakratara MZS Rusłana Varankova, sam incydent adbyŭsia 12 maja.
Polskija pravaachoŭniki, jak śćviardžajecca, pamyłkova pryniali hrupu biełarusaŭ za ŭdzielnikaŭ złačynnaj hrupoŭki, što i pryviało da prymianieńnia imi zbroi.
U vyniku adzin ź biełaruskich hramadzian atrymaŭ ahniastrelnaje ranieńnie i byŭ dastaŭleny ŭ balnicu ŭ ciažkim stanie. U jaho zafiksavanyja traŭmy hałavy i nahi.
U MZS adznačyli, što hety vypadak, na ich dumku, stavić pad sumnieŭ uzrovień biaśpieki ŭ Polščy, i rekamiendavali biełarusam uličvać mahčymyja ryzyki pry pajezdkach za miažu.
Taksama paviedamlajecca, što polskija ŭłady pačali śledstva i razhladajuć incydent jak mahčymaje pieravyšeńnie paŭnamoctvaŭ z boku pravaachoŭnikaŭ. Pa słovach Rusłana Varankova, Biełaruś raźličvaje na abjektyŭnaje rasśledavańnie i vyjaŭleńnie vinavatych.
Čytajcie taksama:
Hrodzienskaja milicyja paviedamiła pra špitalizacyju mužčyny z ahniastrelnymi ranieńniami