Biełaruskaja futbalistka vyjšła na ŭznaharodžańnie ŭ Turcyi pad pieśniu zabaronienaj artystki
Biełaruskaja futbalistka Karyna Alchovik, jakaja hulaje za «Fienierbachče» sa Stambuła, stała ŭ składzie hetaha kłuba čempijonkaj Turcyi. Na cyrymoniju ŭznaharodžańnia joj pastavili pieśniu z nacyjanalnym kałarytam.
U Biełarusi futbalistcy nacyjanalnaj zbornaj hetu pieśniu jaŭna nie pastavili b, bo vykanaŭca pieśni «Biełaja Ruś» Anžalika Ahurbaš užo daŭno znachodzicca ŭ čornych śpisach biełaruskich uładaŭ, u tym liku i ŭ apošniaj viadomaj jaho viersii.
Pryčyna pieraśledu Ahurbaš režymam Łukašenki palahaje ŭ tym, što jana padtrymała pratesty 2020 hoda, paśla čaho była zavočna aryštavanaja pavodle abvinavačvańnia ŭ raspalvańni varožaści i abrazie Łukašenki. Pry hetym śpiavačka maje rasijskaje hramadzianstva.
U Biełarusi suprać Ahurbaš zaviedzienaja kryminalnaja sprava, u 2021 hodzie hienprakuratura biespaśpiachova patrabavała ad Rasii vydačy Ahurbaš. Ale na vydaču Łukašenku rasijskaj hramadzianki navat u Rasii nie navažylisia.